Белгород мужийн захирагч Украины арми нэг өдөрт 113 удаа халдсан гэв

Украины арми өнгөрсөн нэг өдөрт Оросын Белгород мужийн нутаг руу 113 удаа халдсаныг мужийн захирагч Александр Шуваев мэдэгдсэнийг РИА Новости мэдээлэв. Захирагчийн мэдээлснээр Ням гарагт халдлагын улмаас 14 хүн шархаджээ.

Шуваевын хэлснээр Украины тал 8 удаа их буугаар буудаж, нисгэгчгүй онгоцноос 16 удаа тэсрэх төхөөрөмж хаясан бөгөөд агаараас хамгаалах хүчин мужийн дээгүүр 109 нисгэгчгүй онгоцыг сөнөөж, дарангуйлжээ. Мужийн 15 тойрог цохилтод өртсөн байна.

Мужийн шуурхай штабын мэдээллээр өнгөрсөн нэг өдөрт 58 суурин газар цохилтод өртөж, хоёр орон сууцны барилга, 32 хувийн байшин, нийгмийн нэг, худалдааны таван объект, дэд бүтцийн таван объект, нэг захиргааны барилга, агуулах гэмтжээ.

Мөн дөрвөн автобус зэрэг 29 тээврийн хэрэгсэл гэмтсэн байна.