Иран Мекка хэлэлцээрийн орнуудын төлөөлөгчидтэй уулзах нь бүс нутгийн аюулгүй байдлын эхлэл болж магадгүй гэв

Мекка хэлэлцээрт оролцогч Саудын Араб, Турк, Пакистаны төлөөлөгчид Ираны Ерөнхийлөгч Масуд Пезешкиантай уулзах нь Ойрхи Дорнодын аюулгүй байдлыг хангах урьдчилсан нөхцөл бүрдүүлж магадгүй гэж Ираны Гадаад хэргийн яамны төлөөлөгч Исмаил Багаи Даваа гарагт хэлснийг Интерфакс агентлаг мэдээлэв.

Багаи “Энэ уулзалт бүс нутгийн аюулгүй байдлыг бүрдүүлэх цаашдын алхмын эхлэл болж магадгүй. Ойрхи Дорнодын улсуудын хүсэл, ашиг сонирхолд тулгуурлахгүйгээр тогтвортой байдлыг тогтоох боломжгүй гэж бид үзэж байна” гэжээ. Уулзалтаар Израилийн бүс нутаг дахь үйлдэл, Палестин, Ливаны нөхцөл байдал, 2-р сарын 28-нд эхэлсэн Америк-Ираны мөргөлдөөнийг хэлэлцэнэ.

Саудын Арабын Гадаад хэргийн яамны мэдээлснээр хаант улсын Батлан хамгаалахын сайд хунтайж Халид бин Салман, Пакистаны Жанжин штабын дарга Асим Мунир, Туркийн Үндэсний тагнуулын байгууллагын дарга Ибрахим Калын нар Тегеранд айлчлах юм.

Тэд Ираны Ерөнхийлөгч Масуд Пезешкиан болон Үндэсний аюулгүй байдлын дээд зөвлөлийн нарийн бичгийн дарга Мохсен Резаи нартай Ойрхи Дорнод дахь нөхцөл байдлыг намжаах арга хэмжээг хэлэлцэх төлөвтэй байна.