Песков: Алешки дахь гал зогсоолт бусад хэсэгт жишиг болж болно

Херсон мужийн Алешки хотод 10-р сарын 27-ноос хэрэгжих гал зогсоох горим жишиг болж болно гэж ОХУ-ын Ерөнхийлөгчийн хэвлэлийн төлөөлөгч Дмитрий Песков хэвлэлийн бага хурлын үеэр мэдэгдсэнийг Ведомости мэдээлэв.

Тэрбээр Алешки дахь гал зогсоолт бусад хэсэгт ижил төстэй тохиролцоонд хүрэх жишээ болж чадах эсэх асуултад хүмүүнлэгийн зорилгоор бол бүрэн боломжтой, ялангуяа Америкийн тал энэ үйл явцад маш эерэг, зохицуулах оролцоо үзүүлж байгаа үед гэж хариулав.

Кремлийн төлөөлөгч Орос Вашингтон болон АНУ-ын тэргүүн хатагтайн хүмүүнлэгийн салбарт гаргаж буй хүчин чармайлтыг өндрөөр үнэлдэг гэж онцлоод, тохиролцоо бүрэн хэрэгжинэ гэж найдаж байгаагаа илэрхийлжээ.

Цагаан ордон 10-р сарын 23-нд АНУ-ын тэргүүн хатагтайн дэмжлэгтэйгээр Орос, Украин Алешкид орон нутгийн гал зогсоолтын талаар тохиролцсон гэж зарласан юм. Мөн өдөр ОХУ-ын Зэвсэгт хүчний Жанжин штабын дарга Валерий Герасимов Оросын арми хүмүүнлэгийн ажиллагаа явуулахын тулд 10-р сарын 27-ны Москвагийн цагаар 04:00 цагаас Алешкид гал зогсоох шийдвэр гаргасныг мэдэгдсэн бол Украины Зэвсэгт хүчний Жанжин штаб ч гал зогсоолтыг сахихад бэлэн байгаагаа баталжээ.