Воронеж орчимд нисгэгчгүй онгоцны халдлагаар тасалдсан галт тэрэгний хөдөлгөөн сэргэв

Оросын Воронеж мужид нисгэгчгүй онгоцны халдлагын дараа контакт сүлжээнд хүчдэл тасарснаас зогссон галт тэрэгний хөдөлгөөнийг мэргэжилтнүүд сэргээснийг Оросын төмөр замын компани мэдэгдсэнийг Интерфакс агентлаг мэдээлэв. Зүүн өмнөд төмөр замын Тресвятская, Сомово, Отрожка, Воронеж хоорондын хэсэгт хөдөлгөөн сэргэжээ.

Одоогоор Москва, Санкт-Петербург, Краснодар, Кисловодск, Керчь зэрэг чиглэлийн 18 зорчигч тээврийн галт тэрэг хоцорч байгаа бөгөөд компани галт тэрэгнүүдийг хуваарьт оруулахын тулд шаардлагатай бүх арга хэмжээг авч байна.

Даваа гарагийн өглөө халдлагын улмаас контакт сүлжээнд хүчдэл тасарснаар энэ хэсэгт галт тэрэгний хөдөлгөөн зогссон бөгөөд Сомово өртөөнд Анапа-Москва чиглэлийн зорчигч тээврийн галт тэрэгний вагон гэмтэж, урьдчилсан мэдээллээр таван зорчигч гэмтжээ.

Өмнө мэдээлснээр 10-р сарын 26-ны шөнө Воронеж мужийн дээгүүр 113 нисгэгчгүй онгоц сөнөөснөөс 70 гаруй нь Воронеж хотын дээгүүр байсан юм.